Það þarf breytingar - hverjar?

Þetta var ömurlegt slys, enn eitt ofsaakstursdæmið og með það í huga hversu þröngar aðstæður eru þarna og blindhorn þá skilur maður ekki alveg hvernig fólki dettur í hug að stunda kappakstur þarna..

En hvað er hægt að gera til forvarnar..? Væri t.d. vitlaust að takmarka orkuna sem yngstu ökumennirnir hafa undir húddinu? Að leyfa t.d. fólki innan við 23ja ára ekki að eiga og keyra aflmikla bíla og eftir þann aldur þegar fólk er staðið að miklum hraðaakstri að þá verði réttindi til að keyra aflmikla bíla tekin af þeim í ákveðinn tíma, t.d. í eitt ár... mega bara þá keyra aflminni bíla eins og yngstu ökumennirnir næsta árið... bara hugmynd.

Þetta bílhræ þarna virðist a.m.k. vera aflmikil Impreza af myndinni í fréttinni að dæma og ég tel að einmitt yngstu ökumennirnir hafi ekkert með það að gera að eiga eða keyra mjög aflmikla bíla.. fáar ástæður til þess aðrar en að geta gefið í...  bara svipað og með radarvara sem er óskiljanlegt að eru löglegir.. Allt í lagi að kaupa aflminni bíla og setja bara spoilerakit á þá.. ef lookið er málið..  Það er bara töff.. en það er ekkert töff að keyra sjálfan sig og vini sína í klessu og að allir þurfa að eiga við það alla ævina..

Vonandi nær þetta unga fólk sæmilegri heilsu aftur, þetta hljóta að vera erfiðir tímar fyrir þau og fjölskyldur þeirra.. það má ekki gleyma því, mistökin eru til að læra af þeim..

Þungt haldin eftir umferðarslys

Athugasemdir

[Sæþór (IP-tala skráð) 23.6.2007 kl. 14:51]

Já það er sennilegast ein af þeim bestu leiðum. Þetta er gert með bæði mótorhjól og riffla.... af hverju ekki með bíla?    Það hefur enginn 17 eða 18 ára óviti (sem btw þykist kunna að keyra því það séu 300 hestöfl í bílnum og mikið tog svo hann fari hratt áfram þegar hann stígur á bensíngjöfina) með svona aflmikinn bíl að gera.

Ætti að setja það í lög að krakkar undir ákveðnum aldri fái ekki réttindi á svona aflmikla bíla, því það hefur sýnt sig að þau kunna ekki að keyra (þá meina ég eitthvað annað en að stíga í botn og nánast beint áfram) og hafa ekki vit né tilfinningu fyrir akstrinum eins og eldra fólk gerir. Svo þyrfti það að vera að ef það kæmist upp að foreldrar séu með svona bíla skráða á sig en barnið sé notandi bílsins, þá sé bíllinn einfaldlega gerður upptækur, seldur og stór sekt liggi á bak ásamt jafnvel skilorðsbundnu fangelsi.     Það verður eitthvað að gerast því þetta er orðið alltof algengt... og býst ég við að ákveðnar myndir og tölvuleikir eigi þar stóran hlut að máli, þó ég þori ekki að fullyrða.  Hækka sektirnar við þessu svo um muni og einfaldlega stinga fólki inn ef það heldur tilteknum hætti áfram. Láta það vinna þar að auki í þágu almennings bara :D

 Sæþór