að gera ekki neitt...

Að kvelja sjálfan sig með því að nenna ekki er ónennukvöl...

...hvers vegna gerir maður þetta? Góð spurning.

Er maður samt sem áður ekki að gera eitthvað þó að maður sé að gera ekki neitt..?

...því það er það sem maður gerir..!

Það er þá komin upp mótsögn í því að gera ekki neitt.

 

...spurning að gera eitthvað annað?


Bitnar nú þegar á fötluðum skólabörnum!

Niðurskurður er nú fyrr í haust þegar farinn að bitna á fötluðum börnum og börnum með sérstakar þarfir í skólakerfinu!
mbl.is Niðurskurður bitni ekki á börnunum
Tilkynna um óviðeigandi tengingu við frétt

Nýju bankarnir fengu 45% afslátt af útlánum


Í tengslum við dóm hæstaréttar og þennan "mikla skell" bankanna hef ég ekki heyrt tekinn inn í dæmið þann mikla afslátt sem nýju bankarnir fengu af útlánum gömlu bankanna sem mér skilst að hafi verið 45% afsláttur.

Ef þeir fengu 45% afslátt af öllum útlánum og gengistryggð lán eru t.d. 25-35% af öllum útlánum og heildarleiðréttingin verður 40-50% á gengistryggðu lánunum þá sé ég ekki að "leiðréttingin" geti sett bankana á hausinn. M.v. þessar ágiskanir mínar á forsendunum þá þýðir þetta að 10-20% af 45% afslættinum fari í þessar "leiðréttingar". Nýju bankarnir eru að mala gull og standa mjög vel en þetta þýðir ekki hrun, bara minni gróði. Spurning hvort Gylfi sé að vinna fyrir nýju eigendur bankanna í staðinn fyrir þjóðina. Eru ekki líka eigendur bankanna aðallega fjársterk útlensk félög? Hvers vegna ætti ríkissjóður þá að styrkja útlensk félög eins og Gylfi viðskiptaráðherra nefndi að mögulega þyrfti að koma til?

Þetta segja bankarnir á sínum vefum í yfirlýsingum vegna dómsins:

Íslandsbanki:
"Bankinn vill árétta að þrátt fyrir dómsniðurstöður Hæstaréttar hefur bankinn sterka eiginfjárstöðu og uppfyllir eftir sem áður eiginfjárkröfur FME."

Arion banki:
"Ljóst er að niðurstaða í þessu máli mun ekki hafa nein áhrif á stöðu bankans."

Landsbankinn:
"...staða Landsbankans er eftir sem áður sterk."

Stóru bankarnir þrír þurfa þá varla ríkisframlag eða eru þeir að ljúga? Er þetta hræðsluáróður hjá seðlabankastjóra, fjármálaráðherra, viðskiptaráðherra o.fl.? Stormur í mjólkurtanki?

Lausnirnar sem einstaklingum og fyrirtækjum hefur verið boðið, með 25% "niðurfellingum" á gengistryggðum lánum, eru settar upp með hærri vöxtum og vísitölutryggingu þannig að bankarnir koma ekki verr út úr þeim lausnum þegar á heildina er litið því þegar allt er á botninn hvolft eru bankarnir í rífandi business og ekki að hugsa um hag viðskiptavina sinna nr. 1, því hagur bankanna og eigendanna kemur nr. 1, 2 og 3!

Svo fatta ég ekki alveg aðkomu kennarasamtakanna að málinu, eða hún var a.m.k. nefnd í þessari frétt, á kannski að kenna ríkisstjórninni og íslenska fjármálaheiminum lexíu? :-)


mbl.is Upplýstir um stöðu mála
Tilkynna um óviðeigandi tengingu við frétt

Óþarfi að hrauna yfir TopGear!

Ef Umhverfisstofnun og löggumennirnir ætla að gera eitthvað mikið mál úr þessu eins og þau virðast vera byrjuð að gera þá gætu þau verið að valda ferðamennskunni stórtjóni með því að fæla burtu TopGear menn.. Allavegana efast ég um að þeir verði spenntari fyrir því að gera fleiri þætti á Íslandi með svona móttökum.. Landkynningin sem við fáum í þáttunum þeirra er ómetanleg fyrir ferðamennskuna og ríkið!

Ég er aftur á móti mikið á móti spjöllum vegna aksturs utan vega en smá rót í hraunbrúninni þarna er eflaust bara sandkorn í hafið m.v. ummerkin eftir alla þá umferð sem hefur verið og/eða á eftir að vera þarna á meðan gosið er í gangi.

Og ef einhverjir ættu að keyra upp á svona hraunjaðar þá eru það þessir menn á þessum sérútbúna hraunbíl, ég efast um að þeir hafi verið að setja sig í stórhættu þarna..


mbl.is Lögregla rannsaki akstur Top Gear
Tilkynna um óviðeigandi tengingu við frétt

Stundum þegar ég er þreyttur...

...þá tími ég því ekki að fara að sofa...

      ...það er nefnilega svo gott að vera þreyttur...

  ...þegar ég get notið þess að hvíla mig...

               ...ég nýt þess nefnilega ekki mikið ef ég er bara sofandi!!!

...svo þegar ég er búinn að njóta þess nóg þá sofna ég bara sjálfkrafa!

                             ...auto-sleep :-) 

 

Takk fyrir góðan dag!


Ég er byrjaður í badminton...

og er sko alveg að fílaða...

...ekkert smá gaman að geta loksins stundað þetta þrælskemmtilega sport aftur eftir langt hlé.. eða síðan fyrir jól 2004.. 

..nú þarf ég bara að fara í bakaríið og kaupa mér form..

bara glaður...


Auga fyrir auga...?

An eye for eye only ends up making the whole world blind.

Gandhi... 


mbl.is Vill ekki Bretana
Tilkynna um óviðeigandi tengingu við frétt

Merkileg grein í Guardian í Bretlandi...

Grein blaðamanns í Guardian

Ég las þetta reyndar ekki alveg stafanna á milli en gott að það eru til hugsandi breskir menn...

Ég tel mjög líklegt að íslenska ríkið muni lögsækja það breska og eftir einhver ár þegar þau mál hafa farið í gegnum dómstóla þá munum við fá uppreisn æru, orð Gordon Browns í útvarpsviðtali sem virðist vera með allt niður um sig í Bretlandi tvöfaldaði vandamál Íslands og það að ástæðulausu. Það virðist vera að hann hafi bara verið að reyna að upphefja sjálfan sig persónulega með þessum orðum og aðgerðum sínum. Að beita Ísland hryðjuverkalögum voru í sjálfu sér nær því að flokkast undir hryðjuverk.

Hér er nokkuð gott comment frá Breta undir þessari grein:

Just imagine, if the crisis gets any worse, then maybe another north Atlantic island that's turned into a quasi-hedge fund could go the same way. Which island? Britain.Then try imagining what it would be like if the Chinese start making noises about wanting their money back from the City, threatening bully tactics and invoking terror or military law to seize British embassies, airliners and other assets.Far fetched? Of course, but maybe it helps you feel what an Icelander feels like today.

 

Ég ætlaði reyndar að reyna að takmarka að fylgjast með fréttum núna þ.s. það er manni ekki til mikils gagns. Það má a.m.k. minnka það mikið. Ég er farinn að reyna að setja bara skemmtilega tónlist í spilarann þegar ég er að keyra á bílnum í staðinn fyrir að hlusta á útvarpið, allt þetta neikvæða tal dregur bara úr fólki.

Núna þarf þjóðin að standa saman og styðja það fólk sem er að gera sitt besta til að bjarga því sem bjarga skal, við lentum í stórum slysum, seinna má reyna að finna sökudólga ef einhver vill. Vonandi reynir fólk að leggja til hliðar ótta og reiði og reynir að virkja hamingjuna. Það þarf ekki að kosta neitt, t.d. bara að fara út í göngutúr með fjölskyldunni, hitta vini, spila og hafa það næs. Takmarka sem allra mest að fylgjast með þessum fréttum þ.s. maður græðir ekkert á því, a.m.k. í fæstum tilfellum. Hamingjan gæti ekki verið nærri okkur við finnum hana nefnilega inni í okkur. 

Sýnum stillingu... 


klukkið...

já ég var klukkaður af Hallsteini félaga fyrir nokkru síðan og var nú bara að sjá það fyrst í dag :-S enda ferlega máttlaus hérna í þessu bloggi... ætla samt að bregðast við þessu klukki eins og ég get, ég er kannski að gera þetta vitlaust..?!?:

 

Fjögur störf sem ég hef unnið um ævina:

Vaktstjóri í Hróa Hetti - 1 ár

Deildarstjóri í Pennanum - 4-5 ár

Togaralöndun á Höfn í Hornafirði - 1 sumar

Eigin rekstur í skiltagerð o.fl. - 15 1/2 ár (þ.a. 11 ár með verkstæði)

 

Fjórar bíómyndir sem ég held upp á.

The Machinist (El Maquinista) - súr mynd en svakalega flott útlit og góður leikur 

Monsters Inc - hef endalaust gaman að þessum teiknimyndum í bakgrunninum á heimilinu þegar börnin eru að horfa - "hlusta" mikið á þær og leiðist aldrei

O brother, where art thou? Coen bræður eru bara snillingar 

The Big Lebowski - eiginlega full súr á kafla en ótrúlega góðir karakterar...

 

Fjórir staðir sem ég hef búið á:

Borgarfjörður

Höfn í Hornafirði

Akranes

Grafarholt (á besta stað)

 

Fjórir sjónvarpsþættir sem mér líkar:

Næturvaktin

Svartir englar

Útsvar - tjah, ég horfi stundum á þá þ.a. mér hlýtur að líka þeir

24 - fyrstu seríurnar tók þær á leigunni og horfði á nánast í einum rikk - hef ekki horft á nýrri seríur

 

Fjórir staðir sem ég hef heimsótt í fríum:

Ísland - hvað er betra en að tjalda með fjölskyldu eða vinum, grilla og njóta frábærrar íslenskrar náttúru!? Og þá skorar hálendi Íslands hátt.

Florida - ferlega fínt að vera þar, væri alveg til í að vera þar mánuð á ári, margt að skoða og endalaus afþreying ef maður vill

Bahama eyjur - fór í siglingu í tilefni brúðkaupsins, ein eftirminnilegasta ferðin, ekki endilega fyrir eyjarnar, frekar bara fyrir siglinguna sjálfa

New York - fór þangað tvisvar áður en borginni var gjörbreytt af stórbrengluðu fólki - náði þá að fara m.a. á topp tvíburanna og taka einhverjar myndir en því miður bara týpískar túristamyndir. Annars fílaði ég mig mjög vel í Central Park, ótrúleg friðsæld þar svona mitt í þessari risastóru borg.

 

Fjórar síður sem ég skoða daglega fyrir utan blogg:

flickr.com

mbl.is

visir.is

tskoli.is - námsnetið (vegna skólans)

 

Fernt sem ég held uppá matarkyns: (og sem ég sakna þ.s. að ég má ekki borða þetta lengur :-S)

Heimalagað lasagna

Heimalöguð pizza

mjólk

rjómalöguð humarsúpa

 

Fjórar bækur sem ég hef lesið oft: (þ.s. ég er hálf lesblindur og les ekki bækur verð ég að segja bara pass)

 

Fjórir bloggarar sem ég ætla að klukka: (ég þarf að taka mig á í blogginu áður en ég fer að klukka einhverja hehe...)

 

Fjórir staðir sem ég vildi helst vera á núna:

Utan kreppunnar

Þar sem ég er, í faðmi fjölskyldunnar

í skemmtiferðasiglingu á fallegum slóðum

Úti í náttúrunni fjarri byggð 

 

Þannig var nú það... 


Besta ljóðið eftir afrískan dreng...

NOMINATED BY UN BEST POEM OF 2006

 WHEN I BORN,I BLACK 

WHEN I GROW UP,I BLACK
WHEN I GO IN SUN,I BLACK
AND WHEN I DIE,I STILL BLACK
 

AND YOU WHITE FELLOW

WHEN YOU BORN,YOU PINK
WHEN YOU GROW UP,YOU WHITE
WHEN YOU GO IN SUN,YOU RED
WHEN YOU COLD YOU BLUE
WHEN YOU SCARED,YOU YELLOW
WHEN YOU SICK,YOU GREEN
AND WHEN YOU DIE,YOU GREY

AND YOU CALLING ME COLOURED??

 

þetta ætti að fá suma vanþroskuðu kynþáttahatarana tll að hugsa sinn gang...
ætli að þeir viti að hvítir eru fámennari en svartir...

frábært alveg...


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband